Հայաստանում Լեհաստանի դեսպան Զդիսլավ Ռաչինսկին երեկ ասել է, որ «Ադրբեջանը վիրավորված է պատերազմում կրած պարտության եւ իր տարածքների մի մասը կորցնելու պատճառով»: Ինչպես հաղորդում է «Մեդիամաքս»-ը, լեհ դիվանագետն ընդգծել է, որ ղարաբաղյան հակամարտությունը չունի կարգավորման այլ ուղի, բացի «փոխզիջումային, խաղաղ լուծումից»: Դեսպանի խոսքերով, երկու կողմերը պետք է «առավելագույնս բարի կամք դրսեւորեն լուծում գտնելու համար»: Հիշեցնելով, որ գործընթացն ընթանում է ԵԱՀԿ Մինսկի խմբի շրջանակներում, Զդիսլավ Ռաչինսկին նշել է, որ նպատակահարմար չէ կիրառել բանակցությունների նոր ձեւաչափեր, քանի որ «դա կարող է աղավաղել բանակցային գործընթացը»:
