![\"\"](\"https://www.aravot.am/2011/aravot_arm/August/17/p4.jpg\")
Երեկ Հրազդան է այցելել Երկրապահ կամավորական միության վարչության նախագահ, գեներալ-լեյտենանտ Մանվել Գրիգորյանը: Ըստ 1in.am-ի, նա եղել է Հրազդանի Աղբյուրակ թաղամասում, ծաղկեպսակ դրել հուշարձան-կոթողին, որից հետո ուղեւորվել է Հրազդանի Մեղրաձոր գյուղ՝ այցելելով «Պատանի երկրապահ» ռազմաուսումնական բազա: Մանվել Գրիգորյանը Հրազդանի տարածաշրջանից Արցախյան պատերազմին մասնակցած մի խումբ ազատամարտիկների հանձնել է կառավարական, ՊՆ, 5-րդ բրիգադի, ԵԿՄ հուշամեդալներ, եւս 15 ազատամարտիկների՝ պատվոգրեր: Արցախյան ազատամարտի հերոս, ԱԺ նախկին պատգամավոր եւ Հրազդանի նախկին քաղաքապետ Սասուն Միքայելյանից հետաքրքրվեցինք, թե նա հանդիպում ունեցե՞լ է Մանվել Գրիգորյանի հետ, ինչին ի պատասխան Միքայելյանն ասաց, որ ինքն Արարատում ժողովների է մասնակցում, ուստի հանդիպում տեղի չի ունեցել:
