Երեկ «Արամ Խաչատրյան» համերգասրահում Էդուարդ Թոփչյանի ղեկավարությամբ, Հայաստանի պետական ֆիլհարմոնիկ նվագախմբի ընկերակցությամբ, ջութակի համաշխարհային գրականության հայտնի Բրուխի կոնցերտի մեկնաբանմամբ հանդես եկավ չորս տասնամյակ շարունակ կատարողական արվեստի ֆենոմեն հանդիսացող Պինկաս Ցուկերմանը:
Մինչ համերգը՝ «Երեւանյան հեռանկարներ» 12-րդ միջազգային երաժշտական փառատոնի կազմակերպիչները կարճատեւ հանդիպման հնարավորություն ընձեռեցին լրագրողներին: Լեգենդար երաժիշտներ Իսահակ Ստերնի եւ Պաբլո Կազալսի նախաձեռնությամբ 1962թ. Ցուկերմանը Ջուլիարդի դպրոցում ուսանել է հայազգի Իվան Գալամյանի դասարանում, եւ «Առավոտը» ջութակահարից հետաքրքրվեց, թե այլ ուսուցիչների թվում ինչպե՞ս կբնութագրի հայազգի մանկավարժին: «Օ, Գալամյանը մե՜ծ մարդ էր: Նա կրթել է կատարողների եւ մանկավարժների երկու փայլուն սերունդ: Ինձ համար պատիվ է խոսել ուսուցչիս մասին: Ափսոս, որ ժամանակի սղության պատճառով հնարավոր չէ ներկայացնել նրա ամբողջական կերպարը: Միայն մի հանգամանք. նա ամբողջովին նվիրված էր իր աշխատանքին»,- ասաց արվեստագետը:
Երեկ «Արամ Խաչատրյան» համերգասրահում Էդուարդ Թոփչյանի ղեկավարությամբ, Հայաստանի պետական ֆիլհարմոնիկ նվագախմբի ընկերակցությամբ, ջութակի համաշխարհային գրականության հայտնի Բրուխի կոնցերտի մեկնաբանմամբ հանդես եկավ չորս տասնամյակ շարունակ կատարողական արվեստի ֆենոմեն հանդիսացող Պինկաս Ցուկերմանը:
Կարդացեք նաև
Մինչ համերգը՝ «Երեւանյան հեռանկարներ» 12-րդ միջազգային երաժշտական փառատոնի կազմակերպիչները կարճատեւ հանդիպման հնարավորություն ընձեռեցին լրագրողներին: Լեգենդար երաժիշտներ Իսահակ Ստերնի եւ Պաբլո Կազալսի նախաձեռնությամբ 1962թ. Ցուկերմանը Ջուլիարդի դպրոցում ուսանել է հայազգի Իվան Գալամյանի դասարանում, եւ «Առավոտը» ջութակահարից հետաքրքրվեց, թե այլ ուսուցիչների թվում ինչպե՞ս կբնութագրի հայազգի մանկավարժին: «Օ, Գալամյանը մե՜ծ մարդ էր: Նա կրթել է կատարողների եւ մանկավարժների երկու փայլուն սերունդ: Ինձ համար պատիվ է խոսել ուսուցչիս մասին: Ափսոս, որ ժամանակի սղության պատճառով հնարավոր չէ ներկայացնել նրա ամբողջական կերպարը: Միայն մի հանգամանք. նա ամբողջովին նվիրված էր իր աշխատանքին»,- ասաց արվեստագետը:
Հարցին էլ, թե Ֆիլհարմոնիկ նվագախմբի հետ կարճատեւ փորձից հետո ի՞նչ կարծիքի է մեր նվագախմբի մասին, Պ. Ցուկերմանի պատասխանը հակիրճ էր. «Հիանալի նվագախումբ ունեք»:
Սամվել ԴԱՆԻԵԼՅԱՆ
