Հայաստանում մեկնարկած հրաժարականների ալիքում հիշատակվել է նաեւ Գեղարքունիքի մարզպետ, «Բարգավաճ Հայաստան» կուսակցության անդամ Նվեր Պողոսյանի անունը: Այս առթիվ Գեղարքունիքի մարզպետարանի տեղեկատվության եւ հասարակայնության հետ կապերի բաժինը տեղեկացրեց. «Գեղարքունիքի մարզպետ Նվեր Պողոսյանի հրաժարականի մասին շրջանառվող լուրերը հորինված են, անհիմն եւ չեն համապատասխանում իրականությանը: Ասենք նաեւ, որի ինչ-որ աղբյուրից տարածված բամբասանքներն ամենեւին չեն ազդում Գեղարքունիքի մարզպետ Նվեր Պողոսյանի աշխատանքային կանոնավոր գործունեության վրա»:
