Բրազիլիայի Կալդաս Նովաս քաղաքում ընթացող շախմատի աշխարհի պատանիների առաջնության յոթերորդ տուրում 18 տարեկանների մրցաշարի առաջատար Սամվել Տեր-Սահակյանն առաջին ոչ-ոքին արեց` միավորը բաժանելով ռուսաստանցի գրոսմայստեր Վլադիմիր Ֆեդոսեեւի հետ: Այդուհանդերձ, հայաստանցի շախմատիստը մեկ միավորի առավելություն ունի 2-7-րդ հորիզոնականներն զբաղեցնող մոտակա մրցակիցների նկատմամբ: Այս տարիքային խմբում հաղթանակ տոնեց նաեւ Ռոբերտ Աղասարյանը:
Հովհաննես Գաբուզյանը (16 տարեկաններ ) միավորը բաժանեց լեհ Կամիլ Դրագունի հետ ու 5,5 միավորով բաժանում է 2-7-րդ տեղերը: Կես միավոր ավելի ունի միայն լիտվացի Թոմաս Լաուրուսասը:
Աշոտ ՀԱԿՈԲՅԱՆ
