Ադրբեջանի արտաքին գործերի նախարարի տեղակալ Արազ Ազիմովը, ըստ «Ռեգնումի», Բաքվում լրագրողների հետ զրույցում համոզմունք է հայտնել, որ ԵԱՀԿ Մինսկի խմբի անդամ երկրներում, նաեւ Հայաստանում եւ Ադրբեջանում սպասվող ընտրությունները չեն կարող խոչընդոտել բանակցային գործընթացին. «Հայտարարությունները, թե ընտրությունները կարող են խանգարել բանակցային գործընթացին՝ չեն համապատասխանում իրականությանը: Բոլոր երկրներում էլ պարբերաբար անցկացվում են ընտրություններ, բայց այդ երկրների դիրքորոշումները՝ անկախ արդյունքներից, չեն փոխվում: Մենք չտեսանք տարբերություն Ռոբերտ Քոչարյանի եւ Սերժ Սարգսյանի միջեւ: Առայժմ չենք կարող կանխատեսել Հայաստանում ընտրությունների արդյունքները, բայց այս պահին չենք տեսնում իրական մի անձնավորության, որը կարող է մրցակցել Հայաստանի ներկա նախագահի հետ»:
ԱՄՆ-ում, Ռուսաստանում եւ Ֆրանսիայում ընտրությունների առնչությամբ էլ փոխարտգործնախարարն ասել է, թե չի կարծում, որ
ԼՂ խնդրի վերաբերյալ այդ երկրների քաղաքականությունը կփոխվի ընտրություններից հետո:
