Լրացում։ «ՎիվաՍել-ՄՏՍ»-ի գրասենյակի տարածած հայտարարությանն ի պատասխան, թե ընկերության տնօրեն Ռալֆ Յիրիկյանը ՀՀ նախագահ դառնալու հավակնություն չունի, նախագահի նստավայրից հայտնում են՝ Ռ. Յիրիկյանը նաեւ հավանականություն չունի։
Բարգավաճ Ռուբո։ «Բարգավաճ Հայաստան» կուսակցության անդամ, պատգամավոր Ռուբեն Գեւորգյանը (Ծաղիկ Ռուբո), իր իսկ խոստովանությամբ, աշխատում է «Իմ կյանքի վերջին վագոնը» գրքի վրա: Ինչ զարմանալի Է. մարդը երիտասարդ տարիներին ծաղկի գործն սկսել է հատավաճառությամբ, իսկ կյանքի վերջում նույն գործն անում Է վագոններով: Հիրավի՝ «բարգավաճ»… Բայց առայժմ՝ Ռուբո:
Հաբռգահաբ։ Մեծ Բրիտանիայի Կիլտի համալսարանի գիտնականները եկել են այն եզրակացության, որ հայհոյանքը ցավազրկող ազդեցություն ունի: Եթե մտավոր լարված աշխատանքի, դիցուք՝ բյուջեի քննարկումների պատճառով ցավում է ձեր գիտելիքահեն գլուխը, ապա որեւէ մեկի հասցեին (երբեմն՝ անհասցե) հնչեցրած նույնիսկ մեկ հայհոյանք-հաբը (պայմանականորեն՝ հաբռգահաբ) կարող է գլխացավը չեզոքացնել։ Բրիտանացիները փորձերն արել են տարբեր Էթնիկ խմբերի շրջանում եւ տարբեր կլիմայական գոտիներում: Վերջին փորձերից մեկը՝ ըստ բրիտանացի գիտնականների, խիստ դրական արդյունքներ է տվել։ Էթնիկ պատկանելությամբ պայմանավորված, սակայն, հայերի դեպքում հաբերը պետք Է զուգակցել «լվացացնելու» գործողությամբ: Առաջիկա ամիսները՝ մինչեւ 2012 թ. մայիս, ԱԺ-ում նոր հաբերի մասսայական օգտագործման շրջան Է։
Լ. Սարգսյան
«Երկիր»
