Գաղտնիքներից մեկը բացահայտել է տափօղակով հոկեյի լեգենդ, Շվեդիայի հավաքականի անդամ Պետեր Ֆորսբերգը` «Էքսպրեսսեն» թերթին խոստովանելով, որ 2006 թվականի ձմեռային օլիմպիական խաղերի ժամանակ դիտավորյալ պարտվել են սլովակներին (0:3), որպեսզի փլեյ-օֆում հարմար մրցակից ունենան:
«Մենք տղաներով հավաքվեցինք եւ որոշեցինք, որ Սլովակիային հաղթելով մեր կյանքը բարդացնելու կարիք չկա: Մենք չէինք ցանկանում քառորդ եզրափակչում հանդիպել կանադացիների հետ, բայց ուզում էինք օլիմպիական չեմպիոն դառնալ: Դրա համար էլ սլովակներին խաղը տալուց հետո, ¼ եզրափակչում 6:2 հաշվով հաղթեցինք Շվեյցարիային, կիսաեզրափակչում ջախջախեցինք Չեխիային` 7:3 եւ վճռորոշ հանդիպումը 3:2 հաշվով շահեցինք Ֆինլանդիայից», – պատմել է հոկեյիստը:
Աշոտ ՀԱԿՈԲՅԱՆ
