Մեզ հասած տեղեկություններով, մոտ 40 րոպե առաջ Մարալիկից մի փոքր հեռավորության վրա շրջվել է Գյումրիից- Երևան մեկնող միկրոավտոբուսը, 2 հոգի տեղում մահացել են, կան վիրավորներ: Նրանցից երկուսին տեղափոխել են Գյումրու Ավստրիական մանկական հիվանդանոց:
Հիվանդանոցի տնօրեն Աշոտ Կուրղինյանի փոխանցմամբ, մեկը երեխա է եղել, որին հիվանդանոց են հասցրել գանգի բաց վերքով, բժիշկներն այն արդեն մշակել են` ուղարկելով Գյումրու Գյուլբենկյանի անվան վիրաբուժական հիվանդանոց: Երեխային ուղեկցել է նաև մայրը, որը թեթևակի վերք է ստացել թևի մասում: Ըստ բժիշկների, նրանց վիճակը կայուն է, ստացիոնար բուժման ենթակա չեն և Գյուլբենկյանի վիրաբուժական հիվանդանոց են ուղարկել ապահովության համար:
Մեզ հասած ահազանգերով, վիրավորներին շուռ եկած միկրոավտոբուսից այս պահին հանում են այդ ճանապարհով երթևեկող մեքենաների վարորդները:
Շիրակի մարզի արտակարգ իրավիճակների վարչության պետը մեզ փոխանցեց, որ հենց այս պահին խումբ է ուղարկել դեպքի վայր, և մանրամասներ կհաղորդի տեղեկություններ ստանալուն պես:
Կարդացեք նաև
Նունե ԱՐԵՎՇԱՏՅԱՆ
