Պաշտոնական Երեւանը շարունակում է ապակառուցողականություն ցուցաբերել ԼՂ հակամարտության կարգավորման հարցում: Այս մասին Day.Az-ին ասել է Ադրբեջանի ԱԳՆ խոսնակ Էլման Աբդուլաեւը՝ մեկնաբանելով Հայաստանի նախագահ Սերժ Սարգսյանի այցը Ղարաբաղ:
Ըստ Աբդուլաեւի՝ Ադրբեջանի տարածքային ամբողջականությունն անվիճարկելի է, եւ ոչ ոք չպետք է կասկածի, որ Ադրբեջանը կվերականգնի իր ինքնիշխանությունը «սեփական պատմական տարածքներում»:
«Միջազգային հանրությունը մեզ ընդունել է այս տարածքներով: Բոլոր միջազգային կազմակերպությունները, նաեւ աշխարհի երկրները պաշտպանում են Ադրբեջանի տարածքային ամբողջականությունը: Նման արարքները եւ սադրանքները ցույց են տալիս Սերժ Սարգսյանի իրական դեմքը»,- ասել է նա:
