2010 թվականի սեպտեմբերի 30-ին Իջեւանում կայացած կառավարության արտագնա նիստում գործադիրը հավանություն էր տվել քանդակի Իջեւանի սիմպոզիումի վերականգնման ծրագիր-առաջարկին։ Սիմպոզիումը սկիզբ է առել 1985 թվականին եւ շարունակվել մինչև 1991 թվականը։ Այդ ընթացքում դրան մասնակցել է շուրջ 20 երկրի 95 քանդակագործ։ Կառավարության այդ նիստում որոշվեց, որ քանդակի Իջեւանի սիմպոզիումը կվերականգնվի 2011 թվականին: 2011 թվականն ավարտվել է, սակայն քանդակի սիմպոզիումն այդպես էլ չի կայացել:
Փոխարենը՝ Տավուշի մարզպետարանին հարակից զբոսայգում տեղադրված, նախկինում արարված քանդակները դարձել են բարբարոսության զոհ: Քանդակների մի մասն է կանգուն, շատ գործեր անհայտ չարագործները ջարդել են, իսկ քարակոփ գեղեցկուհու արձանն էլ գցել են պատվանդանից:
Ոսկան ՍԱՐԳՍՅԱՆ
