Անցած տարեվերջին ՀՀ հատուկ քննչական ծառայությունը հրապարակեց 2008 թվականի մարտիմեկյան իրադարձությունների վերաբերյալ հերթական, «նորացված» զեկույցը: Հայ ազգային կոնգրեսն այդ ժամանակ հայտարարեց, որ զեկույցին կարձագանքի Ծննդյան տոներից հետո: Երեկ aravot.am-ը փորձեց պարզել, թե Ծննդյան տոներից հետո հատկապես երբ է ՀԱԿ-ը պատրաստվում խոսել այս մասին:
ՀԱԿ իրավական հանձնաժողովի համակարգող, ՀՀ նախկին զինդատախազ Գագիկ Ջհանգիրյանն ասաց, որ եկող շաբաթ նախատեսված ասուլիսում կտրվեն զեկույցի գնահատականներն ու միայն այդ ժամանակ կպատասխանեն բոլոր հարցերին: Հետաքրքրվեցինք, իսկ եկող շաբաթ Հայաստան ժամանող Եվրոպայի խորհրդի խորհրդարանական վեհաժողովի (ԵԽԽՎ) Հայաստանի հարցով համազեկուցողներ Ջոն Պրեսկոտին եւ Աքսել Ֆիշերին ՀՔԾ զեկույցի առիթով իրենց դիտարկումները ներկայացնելո՞ւ են: «Եթե հանդիպում նախատեսված լինի` անշուշտ մենք կներկայացնենք մեր մոտեցումները»,- ասաց Գագիկ Ջհանգիրյանը:
Նելլի ԳՐԻԳՈՐՅԱՆ
