Երեկ մեզ հայտնի դարձավ, որ Բանգլադեշի Համիկի՝ Աշոտ Ավետիսյանի գործով նշանակված փորձաքննությունն ավարտվել է եւ եզրակացությունն ուղարկվել է գործը քննող Արաբկիրի քննչական բաժին։ Ըստ այդ եզրակացության, Համիկից տուժած անձի՝ Գարիկի առողջությանը ծանր վնաս է հասցվել, որը փորձագետների կողմից գնահատվել է որպես «կյանքի համար վտանգ սպառնացող»։ Դա նշանակում է, որ նախապես առաջադրված «խուլիգանություն» մեղադրանքը կփոխարինվի առավել ծանր՝ առողջությանը ծանր վնաս պատճառելու մեղադրանքով՝ Քրօր. 112 հոդվածով, որի առաջին մասը 3-7 տարի ազատազրկում Է նախատեսում։ Հիշեցնենք, որ Բանգլադեշի Համիկը ոչ միայն հայտնի հեղինակություն Է, այլեւ ԲՀԿ նախագահ Գագիկ Ծառուկյանի մտերիմը եւ զինակիցը:
«Հրապարակ»
