Դալմայի այգետերերն այսօր կառավարության բակում հանդիպեցին ՀՀ նախագահի աշխատակազմի ղեկավար Վիգեն Սարգսյանին ու հիշեցրին նրա իրենց տված խոստումը՝ եթե քաղաքապետը ձեզ չընդունի, կհրավիրեմ թեյ խմելու ու կքննարկենք ձեր խնդիրը: «Քաղաքապետը չի ընդունել, ե՞րբ ենք գալու»,- հարցրեց ցուցարար Ռուզաննա Ղազարյանը: Ի պատասխան պարոն Սարգսյանն ասաց, թե «խաշ եք ուզել, խաշ չեմ տալիս»: «Դալմայի այգին ենք ուզել, իրենց ձեռ չի տալիս, ուղղակի հենց էնպես գնանք–գանք իրենց ձեռնտու է»,– հավելեց Ռ. Ղազարյանը:
Հիշեցնենք, որ ամեն հինգշաբթի կառավարության շենքի առջեւ ցույցի դուրս եկող Դալմայի այգետերերին նախագահի աշխատակազմի ղեկավար Վիգեն Սարգսյանը նախորդ տարվա դեկտեմբերին խոստացել էր թեյի հրավիրել ու այդպես էլ չէր հրավիրել: Ցուցարարներն էլ կատակել էին, թե թեյ չեն ուզում, խաշ են ուզում:
Արփինե ՍԻՄՈՆՅԱՆ
Կարդացեք նաև
