Տավուշի մարզի ղեկավար պաշտոնյաններից մեկը, որը չցանկացավ իր անունը հրապարակվի, «Առավոտի» հետ զրույցում բացահայտեց ՀՀԿ-ի նախընտրական սխալները, որոնք արդեն ավանդական են դարձել: Նրա համոզմամբ, Հանրապետականը ամեն անգամ սխալ է կատարում, երբ նախընտրական գործընթացի մեջ ներգրավում է ուսուցիչներին:
– Ուսուցիչներն իրենց էությամբ, իրենց գործի բնույթով թելադրող են, նրանք ամեն օր աշակերտներին հրահանգներ են տալիս: Երբ իշխող կուսակցությունը «ձայներ բերելու համար» ուսուցիչներին հրահանգներ է տալիս, վերջիններս ենթարկվելու սովոր չլինելով, արտաքուստ համաձայնվելով` ըստ էության հակառակվում են, ձախողում այդ գործընթացը:
Պաշտոնյայի կարծիքով` ՀՀԿ-ի մյուս բացթողումն այն է, որ այդ կուսակցությունը երիտասարդության հետ նպատակաուղղված քարոզչական աշխատանք գրեթե չի կատարում.
– 2008 թվականի մարտի 1-ից 4 տարի է անցել, այս ընթացքում չափահաս եւ ընտրող է դարձել մի սերունդ, որն ավելի ազատ է, քաղաքականության վերաբերյալ տեղեկատվությունը հիմնականում քաղում է համացանցից, եւ ավելի քիչ է հավատում ՀՀԿ-ի շաբլոն դարձած քարոզչությանը:
Կարդացեք նաև
Ոսկան ՍԱՐԳՍՅԱՆ
