Կենտրոնի ոստիկանությունն այսօր կառավարության շենքի բակից ակտիվիստ Վարդգես Գասպարիին տարավ ոստիկանություն: Ականատեսների պատմելով, ոստիկանները նրան բերման ենթարկեցին` երկար քաշքշելուց հետո:Հավաքվածները մեզ հետ զրույցում վստահեցնում էին, որ ոստիկանները Գասպարիին տարան ոստիկանություն` իր ցուցապաստառի վրա գրված հայտարարության առնչությամբ պարզաբանում ստանալու համար: Ականատեսների խոսքերով, ցուցապաստառին գրված էր՝ «Ոստիկանները սրիկա են»:
Ցուցարարներին վերահսկող ոստիկանները, սակայն, այլ բան էին պատմում: Aravot.am-ի հետ զրույցում նրանցից մեկն ասաց, որ Գասպարիին չեն քաշքշել, այլ տարել են իր բանավոր ցուցմունքը գրավոր վերցնելու համար: Ոստիկանի խոսքերով, Վ. Գասպարին հայտարարել է, որ ցույցի ժամանակ գողացել են իր բջջային հեռախոսն ու տեսախցիկը ու ցույց է տվել գողին:
Նշենք, որ ՀՀ ոստիկանությունից հետո հերքել էին, որ Վարդգես Գասպարին բերման է ենթարկվել:
Կարդացեք նաև
Արփինե ՍԻՄՈՆՅԱՆ
