Հայաստանում անհայտ կորած անձանց միասնական ռեեստր է ստեղծվում։ Այս մասին «Անհայտ կորած անձանց ճակատագիրը․ մարդասիրական երկխոսություն և համագործակցություն» խորագրով միջազգային համաժողովի ժամանակ ասաց ԱԱԾ պաշտոնյա Արմեն Արզումանյանը։
Նա կարեւորեց նաեւ անհայտ կորած անձանց մասին օրենքի ընդունումը։
«Օրենքի համաձայն՝ ԱԱԾ կողմից վարվելու է անհայտ կորած անձանց միասնական ռեեստր։ Այն ստեղծվում էր անհայտ կորած անձանց անհետացման հանգամանքների եւ պատճառների ուսումնասիրման, ինչպես նաեւ արդյունավետ հետախուզման համար անհրաժեշտ տեղեկատվության հաշվառման համար։ Միասնական ռեեստրն այս պահին ստեղծման փուլում է, եւ առաջիկայում ՀՀ կառավարության կողմից կսահմանվի ռեեստրի կառուցվածքը, տվյալների հրապարակման շրջանակը»,- ասաց նա։
Կարդացեք նաև
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ



















































