Այսօր մեկնարկեց Ազգային ժողովի 4-րդ գումարման 11-րդ՝ վերջին նստաշրջանը: Ի թիվս այլ օրինագծերի, քննարկվում էր «Կանխիկ գործառույթների սահմանափակման մասին» օրինագիծը: ՀՅԴ պատգամավոր Վահան Հովհաննիսյանը հայտարարեց, որ իրենք բազմիցս դեմ են արտահայտվել այս օրինագծին ու այս անգամ էլ դեմ կարտահայտվեն: Քվեարկության ժամանակ այս օրինագծին դեմ քվեարկեց «Ժառանգություն»-ը, իսկ ՀՅԴ-ն խախտեց կուսակցության չգրված օրենքը՝ «Կողմ ըլլալով դեմ ըլլալ» եւ ձեռնպահ մնաց։ ԲՀԿ-ն ընդհանրապես չմասնակցեց քվեարկությանը:
Էդուարդ Շարմազանովը հայտարարեց, որ այս օրինագիծն ուղղված էր կոռուպցիայի դեմ եւ յուրաքանչյուր խմբակցություն, փաստորեն, ցույց տվեց դրա վերաբերյալ իր վերաբերմունքը:
ԱԺ փոխխոսնակ Սամվել Բալասանյանն իր խմբակցության դիրքորոշումը բացատրեց հետեւյալ կերպ՝ «Այդ հարցի քվերակությունը դեռ վաղաժամկետ է, այլապես մենք կողմ ենք, որ կոռուպցիան վերանա երկրից»:
Մանրամասն՝ կարդացեք այստեղ
