Արդեն տեղեկացրել ենք, որ Տավուշի մարզում շրջանառվող լուրերի համաձայն, «Հայկական ժամանակ» թերթի գլխավոր խմբագիր Նիկոլ Փաշինյանը հավանական է, որ մեծամասնական ընտրակարգով առաջադրվի թիվ 41 ընտրատարածքում: Հիշեցնենք, որ այդ ընտրատարածքն ընդգրկում է Դիլիջան, Իջեւան, Բերդ քաղաքները՝ հարակից գյուղերով:
Խոսվում է նաեւ Երեւանի թիվ 11 ընտրատարածքում Նիկոլ Փաշինյանի առաջադրման հավանականության մասին: Պատասխանելով Aravot.am-ի հարցին՝ Նիկոլ Փաշինյանն ասաց, որ նման խոսակցություն որեւէ մեկի հետ ինքը երբեւէ չի ունեցել, ինչպես նաեւ ՀԱԿ-ում նման հարց չի քննարկվել: «Եղել են մարդիկ, որ հետաքրքրվել են, ես էլ ասել եմ, որ չեմ կարող այդ հարցին պատասխանել»,- հավելեց մեր զրուցակիցը:
Նելլի ԳՐԻԳՈՐՅԱՆ
