ՀՀ կառավարության առաջիկա նիստում նախատեսվում է ՀՀ ազգային անվտանգության ծառայությանը 36 մլն դրամ հատկացնելու որոշում կայացնել։ Պարզվում է, որ ԱԱԾ-ի հնարավորությունները չեն բավարարում կայքերին հետեւելու համար։ Հետեւելը, բնականաբար, ԱԱԾ-ն ձեւակերպում է «սպասարկում» բառով։ «ՀՀ–ում ինտերնետային կապի արագությունների եւ հոսքերի ծավալների կտրուկ աճի հետեւանքով, հանգույցի առկա հզորություններով գործող կայքերի եւ ցանցերի անխափան սպասարկումը շարունակելու նպատակով լրացուցիչ համակարգչային սարքավորումների ձեռքբերման անհրաժեշտություն Է առաջացել»,- այսպես է պատճառաբանել ԱԱԾ-ն իրեն 36 միլիոն դրամ լրացուցիչ գումար հատկացնելու անհրաժեշտությունը։ ԱԱԾ-ն ըստ ամենայնի, չի հասցնում «սպասարկել» ընդդիմադիրների էլեկտրոնային նամակագրությունները։
«Հայկական ժամանակ»
