Այս օրերին մայրաքաղաքի վարչական շրջանների տարբեր թաղամասերում նախընտրական ասֆալտապատման բուռն աշխատանքներ են կատարվում:
Նորք-Մարաշ վարչական շրջանի կենտրոնական՝ Արմենակյան փողոցում, արդեն մի քանի օր է ասֆալտը տեղ-տեղ կտրատել են, որ լիցք անեն:
Aravot.am ահազանգած այս համայնքի բնակիչներից մեկը՝ Կարեն Արիստակեսյանը, դժգոհություն հայտնեց, որ ասֆալտը «կարկատում» են միայն կենտրոնական փողոցում՝ անտեսելով երկրորդական փողոցները: Բնակչի խոսքերով, մնացած փողոցներն էլ ոչ պակաս երթեւեկելի են ու հաշվի առնելով, ոլորանների հանգամանքը, ավտովթարների ռիսկն այդ ճանապարհներին ավելի մեծ է. «Խիստ վերանորոգման կարիք ունի նաեւ 9-րդ փողոցը, որի ճանապարհը դեպի «Օրթոպեդիկ» հիվանդանոց է տանում: Այդ փողոցում ամեն քայլափոխի փոսեր են գոյացել եւ վարորդները ավտոմեքենաները ջարդուփշուր չանելու համար ընթացքը դանդաղեցնում են: Օրական այդ ճանապարհով հազարավոր ավտոմեքենաներ, այդ թվում շտապօգնության մեքենաներ են երթեւեկում: Սակայն այդ հանգամանքը որեւէ մեկը հաշվի չի առնում եւ ասֆալտը փռում են միայն Նորք Մարաշ թաղապետարան տանող ճանապարհին»:
Լուսինե ԲՈՒԴԱՂՅԱՆ
Կարդացեք նաև
