Արարատի թիվ 18 ընտրատարածքում ՀՅԴ կողմից առաջադրված Արայիկ Գրիգորյանի մրցակից Ռազմիկ Թեւոնյանը մեզ հետ ունեցած նախկին զրույցներում հայտնել էր, որ ինքն անկուսակցական է եւ ոչ մի քաղաքական ուժի էլ չի հարում: Սակայն նախօրեին Հայ ազգային կոնգրեսի՝ ԿԸՀ ներկայացրած ընտրացուցակներից հայտնի դարձավ, որ ՀԱԿ-ը թիվ 18-ում սատարելու է նույն Թեւոնյանին: Մինչդեռ նորահայտ թեկնածուն երեկ մեզ հետ զրույցում վստահեցնում էր, որ իրեն հայտնի չեն ՀԱԿ մտադրությունները:Մեր զրույցը Թեւոնյանի հետ:
-Դո՞ւք եք առաջարկել, թե՞ իրենք են նման որոշում կայացրել:
-Չէ, նման բան չկա, դա երեւի տպագրական սխալ է, որ իմ անունն էդ ցուցակում գրված է, ես իմ գործերը հանձնել եմ որպես անկուսակցական:
– Դա չի խանգարում, որ Ձեզ քաղաքական ուժն աջակցի: Քննարկումներ, փոխհամաձայնություն այնուամենայնիվ եղե՞լ են:
Կարդացեք նաև
– Պայմանավորվածություն ինձ սատարելու վերաբերյալ՝ ոչ: Քննարկում, հանդիպում չի եղել, մնացածը չգիտեմ, ոչ մի բան չգիտեմ:
– Այդ դեպքում ՀԱԿ- ինչո՞ւ է Ձեր անունն իր մեծամասնական ցանկում գրել, սխալմա՞մբ է, գուցե Ձեզ ա՞յլ ուժ է սատարում:
– Չէ, ՀԱԿ-ը չի սխալվել, երեւի տպագրական սխալ է:… Բայց ասեմ Ձեզ՝ դա չի բացառվում, որովհետեւ ՀԱԿ-ում ես շատ-շատ ընկերներ ունեմ:
Լուսինե ՇԱՀՎԵՐԴՅԱՆ
«Հրապարակ»
