Ֆեյսբուքի «Ազատ Տավուշ» խմբում Տավուշի մարզպետի երիտասարդ օգնական Միքայել Մարտիրոսյանը, ով հայտնի շոումեն Գարիկ Մարտիրոսյանի եւ ՀՀ նախագահի խորհրդական Լեւոն Մարտիրոսյանի հորեղբորորդին է, Տավուշի մարզի ՀՀԿ եւ ՄԻԱԿ անդամներին ու համակիրներին հրավիրել է այսօր` մարտի 28-ին Իջեւանի երիտասարդական կենտրոն`«մաֆիա» խաղալու: Այս հայտարարությանն արձագանքել է խմբում Միքայելի ընկերներից մեկը, որը հայտարարության ներքո գրառել է. «Բա ես էլ եմ ուզում խաղալ, էս ի՞նչ խտրականություն է»:
Միքայելը լուրջ երիտասարդ է, պարզապես Ֆեյսբուքի այդ խմբում (որի անդամն է նաեւ տողերիս հեղինակը) ազատ եւ իշխանությունների հանդեպ քննադատական հրապարակումները գերիշխում են: Երեւի այդ պատճառով է Միքայելը միայն քաղաքական համախոհներին խաղի հրավիրել:
Ոսկան Սարգսյան
