«ՄԳԱ Վոթըր» ընկերությունը, որը հայտնի է «Մաքուր ջուր» ապրանքանիշով, սպառողներին մատակարարել է սովորական ծորակի ջուր: Սա պարզել է տնտեսական մրցակցության պաշտպանության պետական հանձնաժողովը: Վաղը ՏՄՊՊՀ-ն կհրապարակի «ՄԳԱ Վոթըր» ընկերության նկատմամբ հարուցած վարչական վարույթի արդյունքների վերաբերյալ իր որոշումը: Այս մասին հայտնում են հանձնաժողովից:
Ըստ նույն աղբյուրի, նշյալ ընկերությունը սպառողին առաջարկում է խմելու մաքուր ջուր՝ ջրի հումքային ծագման մասին տալով ոչ ճիշտ տեղեկություններ. մասնավորապես այն՝ որ իբր ընկերության կողմից վաճառվող «Մաքուր ջուր» ապրանքանիշի ջրի շշալցման ժամանակ օգտագործվող ջուրը վերցվում է ուղղակիորեն լեռնային աղբյուրից: Մինչդեռ հանձնաժողովը բացահայտել է, որ «ՄԳԱ Վոթըր» ընկերության արտադրատեսակների համար օգտագործվում է քաղաքային, սովորական ջրամատակարարման ցանցի ջուրը:
Լուսինե ԲՈՒԴԱՂՅԱՆ
