Այսօր Քաղաքագետների միությունում միասնական շտաբի ձեւավորման հարցում ընդհանուր համաձայնության չգալով` «Ժառանգության» փոխնախագահ Ռուբեն Հակոբյանը հեռացավ` պնդելով, որ փաստաթուղթը պետք է ստորագրեն կուսակցությունների լիդերները: Լրագրողների հետ զրույցում պարոն Հակոբյանը այսպես բացատրեց իր այդ քայլը. «Ինձ համար ծիծաղելի են թվում բոլոր այն խոստումները, երդումները, որ կանցկացնենք ազատ, արդար ընտրություններ: Դրանք ծիծաղելի են եւ ժողովուրդն էլ մեզ վրա կծիծաղի, եթե տեսնի, որ մենք, իմանալով, թե ինչ է կատարվում՝ միասին հայտարարում ենք, որ պայքարում ենք ազատ, արդար ընտրությունների համար»:
Հարցին` մտավախություն չունե՞ք, որ էլի կասեն «Ժառանգությունը» ական էր ՀՀԿ-ի կողմից` դրված էս նախաձեռնության մեջ` նա պատասխանեց, որ նման մտավախություն չունի. «Այն քաղաքական ուժը, որն այս իրավիճակի համար ընտրում է չարյաց փոքրագույնը, նրանք պատրաստ չեն: Մեր երկրի այս իրավիճակի համար ամբողջ կոալիցիան է պատասխանատու եւ հայտարարում են, որ մեր թիրախը հանրապետականներն են, լրիվ պարզ է, որ ուրիշ նպատակ են հետապնդում: Լեւոն Տեր-Պետրոսյանը չէր ասում` Գագիկ Ծառուկյանից բացի, մնացածը ավազակապետեր են: Ասում էր՝ բոլորն ավազակապետեր են: Ստացվում է, որ կոալիցիոն մյուս ուժերին թույլատրվում է անօրինական ճանապարհներով իրականացնել ինչ-որ քայլեր` ձայներ որսալու համար, ՀՀԿ-ին` ոչ»:
Հարցին` այսինքն` դուք պաշտպանում եք Հանրապետականի՞ն` պարոն Հակոբյանը հերքեց. «Չենք պաշտպանում, ասում ենք, որ երեքն էլ միասին նույն գծի վրա են»:
Կարդացեք նաև
Հռիփսիմե ՋԵԲԵՋՅԱՆ
