Մեկ-երկու ամիս առաջ, երբ բնապահպաններն ակտիվորեն պայքարում էին Մաշտոցի պուրակի կրպակների դեմ, Տարոն Մարգարյանը սրտաճմլիկ մի հայտարարություն տարածեց այն մասին, որ սեփականության իրավունքը պետության հիմնասյուներից մեկն է, առանց այդ իրավունքի չկա պետություն եւ այլն: Հիմա ահա Սերժ Սարգսյանը նրան ասում է՝ «դե մի բան արա», սա էլ կայծակնային արագությամբ որոշում է «սեղմ ժամկետներում» ապամոնտաժել այդ կրպակները՝ մոռանալով սեփականության իրավունքի մասին: Այստեղ երկու տարբերակ կա:
1. Տարոն Մարգարյանը ճիշտ էր ասում, այդ կրպակատերերի սեփականության իրավունքն անպայման պիտի պաշտպանվի պետության կողմից: Բայց այդ դեպքում ստացվում է, որ Սերժ Սարգսյանի երեկվա «հորդորն» ապօրինի է, ավելին՝ դրանով նա պետական պաշտոնյային ստիպում է խախտել օրենքը, ինչն ինքնին քրեական հանցագործություն է:
2. Տարոն Մարգարյանը սուտ էր ասում, այդ կրպակատերերի սեփականության իրավունքն ընդամենը պատրվակ էր, որպեսզի քաղաքի կենտրոնում տարածքներ տրամադրվեն «էլիտար կրպակատերերտի»:
Մի խոսքով՝ հիմա Տարոն Մարգարյանը պիտի պարզաբանի, թե արդյո՞ք օրենքի շրջանակներում է ապամոնտաժելու կրպակները: Եթե այո՝ ապա ինչո՞ւ երեք ամիս առաջ չէր օգտագործում օրենքի այդ հնարավորությունը, իսկ եթե ոչ՝ ապա արդյո՞ք Սերժ Սարգսյանի բանավոր հորդորը նրան իրավունք է տալիս խախտել օրենքը:
Կարդացեք նաև
Մարկ ՆՇԱՆՅԱՆ
«Չորրորդ ինքնիշխանություն»
