Տավուշի մարզի Հաղարծին գյուղում գործունեություն ծավալող «Ֆիլիշին» ՍՊԸ-ն իրականացնում է Սեւանի թերակղզում, Սեւանի վանքի հակառակ կողմում ՀՀ նախագահ Սերժ Սարգսյանի ամառանոցի կառուցապատումը: Մեզ հայտնի չէ՝ այդ ամառանոցը գերատեսչակա՞ն, թե՞ անձնական սեփականություն է:
«Ի՞նչ միջոցներով է կառուցապատվում երկրի նախագահի ամառանոցը»,- հարցրինք «Ֆիլիշին» ՍՊԸ տնօրեն Սուրեն Հակոբյանին: Նա պատասխանեց, որ դա ֆինանսավորում է մոսկվաբնակ հայերի ինչ-որ հիմնադրամ, որ դա «մեր երկրին նվեր է», աշխատանքների 90 տոկոսը կատարված է, «Ֆիլիշինն» այնտեղ իրականացնում է շինարարության եւ վերակառուցման գործեր:
«Ֆիլիշինի» տնօրենին հարցրեցինք ամառանոցի կառուցապատումը ֆինանսավորած հիմնադրամի անունը, Ս. Հակոբյանն ասաց, որ նման հարցերն իր համար «հարմար չեն», ինքն ընդամենը շինարարական կազմակերպությունն է ներկայացնում,նաեւ հարցրեց՝ ինչո՞ւ մեզ չեն հետաքրքրում «Ֆիլիշինի» կողմից Դիլիջան քաղաքում կատարվող աշխատանքները,որոնք ծավալով ավելի մեծ են:
Ոսկան ՍԱՐԳՍՅԱՆ
