Ռիո դե Ժանեյրոյում ընդունված «Կայուն զարգացման» հայեցակարգը, որին միացել է նաեւ Հայաստանը, կործանարար է մեր երկրի եւ բոլոր պետությունների համար, այն սիոնիստների «ձեռքի գործն է»: Այսօր «Տեսակետ» ակումբում նման կարծիք հայտնեց «կանաչների միության» նախագահ Հակոբ Սանասարյանը: Նրա ներկայացմամբ` «Այս ծրագրի գլխավոր եւ հիմնական նպատակն է աշխարհում ստեղծել սիոնիստական միակենտրոն կառավարում` մի կենտրոնից ամբողջ աշխարհը կառավարել: Ինչ վատ հետեւանքներ կունենա. եթե դու քո կյանքը, քո ապագան տվել ես մի կենտրոնի, իսկ այդ կենտրոնը…Աստվածաշնչում գրվել է, որ բոլոր մարդիկ շատ ցածր են անասուններից, իսկ աշխարհը պատկանում է հրեաներին»:
Պարոն Սանասարյանի խոսքերով` «Կայուն զարգացում» հայեցակարգը ոչնչացնում է պետության դերը եւ պետական կառավարման համակարգը տանում է ապակենտրոնացման. «եւ դա բոլոր ոլորտներում` կրթություն, առողջապահություն, բնապահպանություն: Տանում է պետության սահմանները վերացվելուն եւ մարդկության համար մեկ սահմանադրություն եւ մեկ օրենք ունենալուն: Հայեցակարգով առաջարկվող գաղափարներն ու դրանք իրականացնող մեխանիզմները հակասում են իրար: Սա ընդամենը սիոնիստական գաղափարախոսության տարածում է»:
Ըստ Հակոբ Սանասարյանի, հայեցակարգի ծրագրերն իրականացնող դրամաշնորհային կազմակերպությունները ֆինանսավորվում են Համաշխարհային բանկից եւ սիոնիստական մյուս կառույցներից: «Եթե դուք կարդաք «Կայուն զարգացման» հաշվետվությունները, կտեսնեք, որ Հայաստանի հանրապետության օրենսդրությունը համահունչ է դարձել հայեցակարգին»,-ասաց «Կանաչների միության» նախագահը:
Այսօր պարոն Սանասարյանը նաեւ ներկայացրեց իր հեղինակած «Համակարգված դավադրություն» գիրքը, որտեղ մանրամասն եւ հստակ ներկայացված է, թե իրականում ինչ է իրենից ներկայացնում «Կայուն զարգացման» հայեցակարգն ու դրա բոլոր վտանգավոր դրույթները:
Կարդացեք նաև
Նելլի ԲԱԲԱՅԱՆ
