Կենտրոն եւ Նորք-Մարաշ վարչական շրջանների ընդհանուր իրավասության դատարանը, դատավոր Գագիկ Խանդանյանի նախագահությամբ, քիչ հետո կհրապարակի «Բելլա» հյուրանոցի/«Նելլի Միքայել» ՍՊ ընկերության/ դեմ հայցով վճիռը: Հիշեցնենք, որ վարձակալ հյուրանոցին Երվանդ Քոչարի 6 հասցեից վտարելու պահանջ է ներկայացրել սեփականատեր, «RANOIL» ընկերության հիմնադիր Ռոբերտ Գալուստյանը:
Նելլի Ավետիսյանը դատարանից հեռագիր ուղարկեց ՀՀ նախագահ Սերժ Սարգսյանին: Հեռագրում, մասնավորապես, ասվում է. «2010թ.-ից սկսած՝ «Նելլի Միքայել» ՍՊ ընկերության հիմնադիր տնօրենս, օրինական կարգով, վարձակալության պայմանագրի հիման վրա զբաղեցրել եմ Ե.Քոչարի 6 հասցեի անշարժ գույքը՝ «BELLA« հյուրանոցային համալիրը: Պայմանագրի ժամկետն ավարտվում է 2015թ.-ին: Սակայն այս տարվա փետրվարին Ռ.Գալուստյանն ապօրինաբար հյուրանոցի առաջին հարկում սկսեց իրականացնել լայնածավալ շինարարական աշխատանքներ, որը արգելք հանդիսացավ իմ գործունեության բնականոն աշխատանքների կատարմանը, ինչի արդյունքում տուժում եմ խոշոր գումարներ»:
Հյուրանոցի տնօրենը նախագահին տեղեկացնում է, որ սեփականատերը առաջին հարկի նախաճաշի սրահը դարձրել է «Փոքրիկ Վրաստան» ռեստորան, որտեղ աշխատում են Վրաստանի քաղաքացիները: Տնօրենը խնդրում է նախագահին անհապաղ իր հսկողության տակ վերցնել այս դատական գործը, փակել տալ «Փոքրիկ Վրաստանը», պատժել մեղավորներին,իսկ դատավորի նկատմամբ հարուցել կարգապահական վարույթ:
Ռուզան ՄԻՆԱՍՅԱՆ
Կարդացեք նաև
