ԱԺ նորընտիր նախագահ Հովիկ Աբրահամյանը իր նախկին պաշտոնին վերադառնալուց հետո 1-ին քայլը, որ արեց` իր կոլեգաների նկատմամբ «պարտավորություն» էր: Նա միանգամից խորհրդարան վերադարձրեց աշխատակազմի այն աշխատակիցներին, որոնք հեռացվել էին կամ հավատարմաբար հեռացել էին խորհրդարանի խոսնակի պաշտոնից իր հրաժարական տալուց հետո: Նրանց թվում էին ԱԺ նախագահի օգնականներ, ռեֆերենտներ, ընդհուպ տեղեկատվության բաժնի պետը և աշխատակազմի ղեկավար Գեղամ Ղարիբջանյանը, ով հետագայում նշանակվեց Արաբական Միացյալ Էմիրություններում ՀՀ դեսպան:
Հիշեցնենք՝ 14. 11. 2011-ին ԱԺ նախագահ Հովիկ Աբրահամյանը հրաժարական տվեց և տեղափոխվեց ՀՀԿ նախընտրական շտաբ, իսկ խորհրդարանի խոսնակի ընտրվեց Սամվել Նիկոյանը, ում աշխատանքը շատերի կարծիքով, սկսվեց Հովիկ Աբրահամյանի կադրերին ազատելով:
Հովիկ Աբրահամյանը չպատճառաբանված է համարում իրենից հետո իր թիմակիցների նկատմամբ դրսևորած վերաբերմունքը:
«Բարոյական կլինի, որ Գոհար Պողոսյանը վերադառնա և ես իմ որոշումն արդեն կայացրել եմ: Ընդհանրապես, բոլոր այն մարդիկ, որոնք ինձնից հետո ԱԺ աշխատակազմից դուրս են եկել, առաջիկայում նրանք էլ կվերադառնան և կաշխատեն իրենց տեղերում»,- Panorama.am-ի հետ զրույցում նշեց Հովիկ Աբրահամյանը և հավելեց, որ Սամվել Նիկոյանի կադրերից էլ, համենայն դեպս, ինքը դեռ չի ազատվելու, քանի որ կան ազատ հաստիքներ և պրոֆեսիոնալներին հնարավորություն կտրվի աշխատելու:
Կարդացեք նաև
Ինչ վերաբերվում է ԱԺ աշխատակազմի նոր ղեկավար նշանակելուն՝ Հովիկ Աբրահամյանը նշեց՝ այդ հարցը դեռևս չի քննարկվել:
Panorama.am-ին տված բացառիկ հարցազրույցում Հովիկ Աբրահամյանը խոսել է իր կադրային քաղաքականության, Հովիկ Աբրահամյան-Սամվել Նիկոյան հարաբերություների և նոր խորհրդարանականների հետ աշխատելու իր նոր մեխանիզմների մասին:
Panorama.am
