Սահմանագոտում ադրբեջանական գնդակոծությունների պատճառով հունիսի 6-ից 18-ը փակ էր Իջեւան-Նոյեմբերյան ավտոճանապարհի Ոսկեպար-Բաղանիս հատվածը: Մեքենաները միջպետական ճանապարհի այդ հատվածն անցնում էին շրջանցիկ, 6,3 կմ երկարություն ունեցող Հարսնաքարի ճանապապարհով: Հունիսի 18-ից հիմնական ճանապարհով երթեւեկը վերսկսվել է:
Բաղանիսի գյուղապետ Ստեփան Սահակյանն ասաց, որ վերջին օրերին ճանապարհի եւ իրենց գյուղի ուղղությամբ կրակոցներ չեն եղել: Սակայն ցանկացած պահի ադրբեջանական զինուժը կարող է ոտնձգությունների դիմել: Այդ դեպքում կրկին հարկ կլինի օգտվել շրջանցիկ ճանապարհից: Այդ ճանապարհում սողանքային ակտիվ գոտի կա, ինչի պատճառով Հայաստան բեռներ կրող խոշոր բեռնատարների երթեւեկը շրջանցիկ, լեռնային ճանապարհով վտանգավոր է: Հարկ է «պահեստային» ճանապարհը միշտ բարեկարգ վիճակում պահել, քանզի դա ռազմավարական նշանակության խնդիր է:
Ոսկան ՍԱՐԳՍՅԱՆ
