Տավուշի մարզի դատախազ Աննա Մանթաշյանից տեղեկացանք, որ 21-ամյա Արփինե Մելիքյանի ինքնասպանության գործով քրեական գործ է հարուցված ՀՀ քրեական օրենսգրքի 110 հոդվածի 1-ին մասով (ինքնասպանության հասցնելը): Դատախազը չցանկացավ մանրամասնել, թե քրեական գործով երիտասարդ կնոջ ինքնասպանության պատճառների ինչ վարկածներ են քննարկվում:
Մեր տեղեկություններով՝ առկա են երկու ամսական աղջիկ ունեցող կնոջ ինքնասպանության մի քանի վարկածներ, այդ թվում՝ ծննդաբերությունից հետո ժամանակաշրջանում կանանց մոտ ի հայտ եկող ագրեսիան, ընտանիքի սոցիալական վատ վիճակը, կնոջ կողմից հոգեւոր ինչ-որ ուղղության տրվելը եւ այլն:
Հետաքրքիր է, որ հունիսի 27-ի լույս 28-ի գիշերը Բերդ քաղաքում կատարված այս դեպքի վերաբերյալ դեռեւս հաղորդագրություն չկա ՀՀ ոստիկանության եւ արտակարգ իրավիճակների նախարարության պաշտոնական կայքերում: Ինքնասպանությունը հանցագործություն կամ արտակարգ պատահար չէ՞:
Ոսկան ՍԱՐԳՍՅԱՆ
Կարդացեք նաև
