Արեւմտյան գործակալությունները հաղորդում են, որ երկուշաբթի օրը Դամասկոսի փողոցներում կատաղի մարտեր են սկսվել նախագահ Բաշար ալ-Ասադի վարչակարգի հրաժարականը պահանջող ապստամբների եւ կառավարական զորքերի միջեւ։
Սիրիական ճգնաժամի հարցով ՄԱԿ-ի եւ Արաբական պետությունների լիգայի հատուկ բանագնաց Քոֆի Անանը Մոսկվայում հանդիպել է Ռուսաստանի արտգործնախարար Սերգեյ Լավրովի հետ՝ քննարկելով Սիրիայի դեմ ավելի խիստ պատժամիջոցներ կիրառելու հարցը։
Կարմիր Խաչի միջազգային կոմիտեն կիրակի օրը հայտարարել է, որ Սիրիայում շարունակվող հակամարտությունը այժմ կարող է դասակարգվել որպես քաղաքացիական պատերազմ։
«Ազատություն» ռադիոկայան
