Այս տարի Նոյեմբերյանի տարածաշրջանում դեղձի լավ բերք կա: Պտղավանի գյուղապետ Ռաֆիկ Օհանյանն ասաց,որ հուլիսի 31-ին կամ օգոստոսի 1-ին Այրումի պահածոների գործարանը կսկսի դեղձի մթերումը: Ապրանքային ոչ շքեղ տեսք ունեցող, սակայն առողջ դեղձի կիլոգրամը պահածոների գործարանը ընդունելու է 60 դրամով:
Ներկայումս Պտղավանում եւ Դեղձավանում ապրանքային նորմալ տեսք ունեցող դեղձ կարելի է գնել կիլոգրամը 100 դրամով: Իսկ Երեւանի սուպերմարկետներում հիմա նույն որակի դեղձի գինը 450 դրամ է: Փաստորեն վերավաճառողները ավելի շատ են օգուտ ստանում, քան դեղձի այգի մշակող, զանազան հիվանդությունների դեմ տարին 7 անգամ թունաքիմիկատներ սրսկող, ոռոգման ջրի համար բավական թանկ գին վճարող պտղաբույծները:
Ոսկան ՍԱՐԳՍՅԱՆ
