Կոտայքի մարզի ընդհանուր իրավասության դատարանի (Հրազդանի նստավայր) դատավոր Արիստակես Սիսակյանի նախագահությամբ շարունակվում է Գագիկ Աթասյանի՝ պատվի, արժանապատվության եւ գործարար համբավին հասցրած վնասի հատուցման պահանջով հայցով նախնական դատական քննությունը «Հրազդան» հեռուստաընկերության տնօրեն Մնացական Հարությունյանի դեմ:
Հայցվորը պահանջում է 3 մլն դրամի փոխհատուցում, ինչպես նաեւ վիճարկում է Aravot.am կայքէջի հունվարի 12-ի «Հայդ պարկ» խորագրի տակ զետեղված «Բացահայտում. Տարվա քաղաքացու իրական դեմքը» հրապարակումը:
Հեղինակը պատասխանողն է, իսկ կայքէջը այս գործով ներգրավված չէ, հետեւաբար, նախնական դատական նիստերն անցնում են առանց լրատվամիջոցի մասնակցության:
Այսօրվա նիստը հետաձգվել է՝ նիստի ձայնագրառման հետ կապված: Այն նշանակվել է օգոստոսի 7-ին, ժ.12-ին:
Կարդացեք նաև
Ռուզան ՄԻՆԱՍՅԱՆ
