Երեկ «Դալան» ցուցասրահում տեղի ունեցավ գեղանկարիչ Հովնան Սարգսյանի երկրորդ անհատական ցուցահանդեսը: Aravot.am-ի հետ զրույցում Սարգսյանն ասաց, որ ներկայացնում է վերջին երկու տարվա աշխատանքները` «Նատյուրմորտ. Աշուն», «Հանդիպում», «Ավետում», «Մելանխոլիա», «Երջանկության սպասումով» …
Նկարիչն ասաց, որ վերոհիշյալ գործերի միջոցով վերարտադրել է տեսածն ու լսածը. «Զգացումներս առավել շատ կապված են իմ երազած աշխարհի հետ, որն ավելի ներդաշնակ է: Մարդը երազում է հոգևոր աշխարհի մասին, որտեղ ցավ չկա»:
Հովնան Սարգսյանը նշեց, որ մարդու ներաշխարհն արտաքին աշխարհի հետ չպետք է կոնֆլիկտի մեջ մտնի. «Նկարելու ունակությունն Աստծուց է տրված, հետևաբար` այն պետք է օգտագործել և ցույց տալ»:
Կարդացեք նաև
Լուիզա ՍՈՒՔԻԱՍՅԱՆ
