«Ըստ էության, մեր նախկին ֆրակցիայից յուրաքանչյուր պատգամավոր կարող է այդ թեկնածուն լինել: Իրենց այս հինգ տարիների գործունեությունը միանշանակ ապացուցել է, որ իրենք պարտաճանաչ են, իրական բարեփոխումների կողմնակից եւ թող բարձրագոչ չհնչի` ե’ւ հայրենասեր են, ե’ւ ժողովրդի մասին մտածող»,- պատասխանելով «Առավոտի» հարցին` ո՞վ կարող է լինել «Ժառանգության» այլընտրանքային թեկնածուն, եթե Րաֆֆի Հովհաննիսյանը որոշի չառաջադրել իր թեկնածությունը առաջիկա նախագահական ընտրություններում, ասաց կուսակցության փոխնախագահ Արմեն Մարտիրոսյանը: Նրա կարծիքով, այժմ երկու հիմնական խնդիր կա` կառավարման համակարգի բարեփոխումներ եւ պետականության հիմքերի ամրապնդում. «Մեր նախկին ֆրակցիայից յուրաքանչյուր պատգամավոր, այդ ուղղությամբ արդեն դրական հետք ունի թողած պատմության մեջ»:
Նելլի ԳՐԻԳՈՐՅԱՆ
Արմեն Մարտիրոսյանի հետ զրույցի այլ մանրամասները` կարդացեք վաղվա տպագիր «Առավոտում»:
