Սեպտեմբերի 28-ին լրացավ Ազգային ժողովի հանրապետական պատգամավոր Ռուբեն Հայրապետյանի` պատգամավորական մանդատից հրաժարվելու մասին դիմումը հետ վերցնելու վերջնաժամկետը: Ըստ այդմ, պատգամավորի հրաժարականը համարվեց ընդունված:
«Փաստինֆո» գործակալության տեղեկություններով, ԱԺ նախագահ Հովիկ Աբրահամյանն այս հիմքով արդեն իսկ ստորագրել է Ռ.Հայրապետյանի պատգամավորական լիազորությունների վաղաժամկետ դադարեցման մասին ԱԺ արձանագրությունը և այն ուղարկել Կենտրոնական ընտրական հանձնաժողով:
