«Փոլիսի միք»-ը գրում է, որ հայերի ցեղասպանության ժամանակ ԱՄՆ-ն ամենաակտիվն էր աջակցում տանջանքներ կրած հայերին, ավելի քան 130,000 հայ որբերի է ապաստան տրվել ամերիկյան որբանոցներում, որոնք ստեղծվել էին Հայաստանում, Հունաստանում, Կիպրոսում և այլուր: Նախագահ Վուդրո Վիլսոնն ու Թուրքիայում ԱՄՆ-ի դեսպան Հենրի Մորգենթաուն անձնապես համակարգում էին օգնության գործունեությունը:
Թերթը գրում է՝ պարադոքսն այն է, որ Սլովակիայի պես պետությունը, որը նույնիսկ գոյություն չուներ 1915-ին և կամ Վենեսուելան, որն այդքան էլ ժողովրդավար չէ, դիմադրել են Թուրքիայի ճնշմանը և ճանաչել են Հայոց ցեղասպանությունը, իսկ ԱՄՆ-ն, որն օգնում էր հայերին, հիմա անորոշ դիրք է գրավել:
Թերթը տեղեկացնում է, որ Ամերիկայի «Հայ Դատ»-ի հանձնախումբը հայտարարություն է տարածել՝ կոչ անելով ԱՄՆ-ի նախագահի թեկնածուներ Բարաք Օբամային և Միթ Ռոմնիին, որպեսզի հստակեցնեն իրենց դիրքորոշումը Հայոց ցեղասպանության հարցում:
Կարդացեք նաև
Թերթը գրում է, որ Միացյալ հայկական հիմնադրամի նախագահ և «Կալիֆորնիա կուրիեր» թերթի խմբագիր Հարութ Սասունյանը նախագահ Օբամային 30 օր ժամանակ է տվել, որ նա Հայոց ցեղասպանությունը ճանաչելու իր խոստումը
կատարի, հակառակ դեպքում հայ համայնքը երկրորդ անգամ չի ընտրի նրան:
