Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Մխիթար Պապոյանի նախագահությամբ այսօր պետք է շարունակվեր Ազգային անվտանգության ծառայության նախկին քննիչ Վլադիմիր Կոթոլյանի դեմ հարուցված քրեական գործով դատական վիճաբանությունների փուլը: Հիշեցնենք, որ նա մեղադրվում է 4000 դոլար կաշառք ստանալու համար:
Այսօր պաշտպանական ճառերով հանդես պիտի գային Կոթոլյանի 3 պաշտպանները, սակայն պաշտպան Վաղարշակ Գեւորգյանը դատարանին տեղեկացրել էր, որ վատառողջ է (ողնաշարի հետ կապված) եւ խնդրել էր հետաձգել դատական նիստը:
Նշենք, որ մեղադրող Աշոտ Նադոյանը հանդես է եկել մեղադրական ճառով եւ միջնորդել 7 տարվա ազատազրկում:
Դատական նիստը նշանակվեց նոյեմբերի 2-ին:
Ռուզան ՄԻՆԱՍՅԱՆ
