«Արմենիան ռիփորթերը» հրապարակել է Ամերիկայի Հայ Դատի հանձնախմբին Վաշինգթոնից Արմինե Գուլեջյանի հղած նամակը, որտեղ նա գրում է՝ թեպետ հասկանում է հանձնախմբի հիասթափությունը Օբամայի նկատմամբ, բայց երկու թեկնածուներից անհրաժեշտ է պաշտպանել Օբամային:
Իր այդ տեսակետը նա հիմնավորում է նրանով, որ Ռոմնին և նրա գործընկերները թշնամաբար են տրամադրված Ռուսաստանի նկատմամբ. «Ես չեմ ասում, որ Ռուսաստանը կատարյալ երկիր է, բայց Հայաստանի դաշնակիցն է»:
Մյուս հիմնավորումն այն է, որ Ռոմնին հակված է Իրանը ռմբակոծելուն. «Իրանի վրա նետած ցանկացած ռումբ բացասական հետևանք կունենա Հայաստանի համար»:
Հաջորդ կետում նա նշում է, որ Ռոմնին ավելի մեծ աջակցություն ցույց կտա Ադրբեջանին, քան ներկայիս իշխանությունը, քանի որ Ադրբեջանը կարող է օգտագործվել Իրանի դեմ պայքարում:Բացի այդ, Ռոմնին՝ հանուն նավթի, և Ղարաբաղի հարցում Ռուսաստանին ընդդիմանալու համար կաջակցի Ադրբեջանին:
Կարդացեք նաև
Վերջին կետում նա գրում է, որ Ռոմնին Սիրիայի դեմ շատ ագրեսիվ է տրամադրված ու ցանկանում է ուղղակիորեն միջամտել ռազմական գործողություններին՝ ռմբակոծելով երկիրը. «Այդպիսով ավելի կապակայունացվի տարածաշրջանը, ինչը սիրիահայերի և հայաստանցիների համար շատ բացասական է»:
Պատրաստեց Հովհաննես ԻՇԽԱՆՅԱՆԸ
