Լոնդոնի օլիմպիական խաղերի արծաթե մեդալակիր, հունահռոմեական ըմբիշ Արսեն Ջուլֆալակյանը, չնայաց վնասվածքը լիովին դեռ չի բուժել եւ հիմա էլ առողջական որոշ խնդիրներ ունի, իր «KSV Aalen» ակումբի կազմում հաջող է հանդես գալիս բունդեսլիգայի առաջնությունում:
Արսենը հիմա էլ Գերմանիայում է եւ շարունակում է պայքարել այդ երկրի ակումբային առաջնությունում: Նա Aravot.am-ին պատմեց հետեւյալը. «Դեռ Երեւանում գրիպով էի վարակվել: Հիմա էլ դեռ լիովին չեմ ապաքինվել, բայց չորս գոտեմարտ արդեն անցկացրել եմ: Դրանք լինում են շաբաթ օրերը: Առնվազն երեք մարտ էլ դեռ ունեմ վարելու: Ակումբն առայժմ հաջող է հանդես գալիս: Եկող շաբաթվանից սկսվում է փլեյ-օֆֆը: Կարգն այսպիսին է. թիմը որքան հաղթի, ես պիտի ամեն շաբաթ մենամարտեմ: Դա կտեւի, հավանավար, մինչեւ հունվարի վերջ»:
Աշոտ ՀԱԿՈԲՅԱՆ
