Նախագահի թեկնածու, «Ժառանգություն» կուսակցության նախագահ Րաֆֆի Հովհաննիսյանը հրապարակային և բացօթյա բանավեճի է հրավիրում իր միակ մրցակից Սերժ Սարգսյանին:
ՀՀԿ ղեկավար, նախագահի թեկնածու Սերժ Սարգսյանի հետ բանավիճելու ցանկություն հայտնել է նաև «Ազատություն» կուսակցության նախագահ, նախագահի թեկնածու Հրանտ Բագրատյանը` հստակ թեմայի շուրջ.«Իմ տնտեսական ծրագրի քննարկմանը»:
Թե Հրանտ Բագրատյանը, և թե Րաֆֆի Հովհաննիսյանը ողջ քարոզարշավի ընթացքում օգտվելու են բոլոր միջոցներից՝ վահանարկներ, վճարովի հեռուստաեթեր, բուկլետներ, պաստառներ:
Կունենան նաև շտաբներ, թե մայրաքաղաքում, թե մարզերում: Երկու թեկնածուներն էլ քարոզարշավի մեկնարկը կտան հունվարի 21-ին: Հրանտ Բագրատյանը քարոզարշավի համար կծախսի մոտ 100 մլն դրամ: «Իմ քարոզարշավի մեկնարկը կտրվի երկուշաբթի, սակայն ոչ մայրաքաղաքում, այլ` մարզում»,- «Ա1+»-ի հետ զրույցում նշեց Հրանտ Բագրատյանը:
Կարդացեք նաև
Նախագահի թեկնածու Րաֆֆի Հովհաննիսյանը պատրաստ է շնորհավորել ընտրված նախագահին, անգամ եթե վերընտրվի Սերժ Սարգսյանը, սակայն. «Եթե որևէ մրցակից հաղթի ազատ, արդար ընտրություններում, ապա ես կշնորհավորեմ, բայց եթե եղավ ժողովրդի ձայնի գողացում, ահաբեկում, հերթական խեղկատակություն, իհարկե պայքարը կշարունակվի առանց շնորհավորանքի»։
Քսանից ավել կարգախոս ունեցող «Ազատություն» կուսակցության նախագահ Հրանտ Բագրատյանը դեռ չգիտի, թե ինչպես կվարվի փետրվարի 18-ի նախագահի ընտրություններից հետո. «Մենք էդպիսի հարց հիմա կատեգորիկ չենք քննարկում, մենք որևէ պարտավորություն չունենք»:
Մանրամասները կարդացեք այստեղ: