Կենտրոնական ընտրական հանձնաժողովի իրավաբանական վարչության պետ Նունե Հովհաննիսյանը Արարատի 18.8 տեղամասում այսօր ջրծաղիկով հիվանդ զինծառայողների քվեարկության մասին տեղեկություններ պարզելու համար Aravot.am-ի խնդրանքով կապվեց հանձնաժողովի նախագահ Աննա Պողպատյանի հետ:
Պարզվում է՝ ջրծաղիկով հիվանդ 8 զինծառայող է քվեարկել: «Եթե նրանց թույլատրել են ներկայանալ տեղամասային կենտրոն, ապա հիվանդության ծանր շրջանը երեւի անցած է եղել, տեղամասային ընտրական հանձնաժողովի նախագահը բժշկից տեղեկանք էր կարող պահանջել: Եկել են, քվեարկել են, գնացել, ոչ մի արտառոց բան չկա»,- ասաց տիկին Հովհաննիսյանը:
Մանրամասները՝ շուտով տեսանյութում
Արփինե ՍԻՄՈՆՅԱՆ
