Այսօր ՀՀ կառավարության նիստում քննարկվեց նաեւ Շիրակի մարզպետ Աշոտ Գիզիրյանի հրաժարականի հարցը: Վարչապետ Տիգրան Սարգսյանը վստահեցրեց, որ Շիրակի մարզպետը իր դիմումի համաձայն է լքում մարզպետի պոստը: «Ես հանդիպել եմ պարոն Գիզիրյանին իր ցանկությամբ եւ նախաձեռնությամբ: Գիզիրյանը դիմում է ներկայացրել իր սեփական նախաձեռնությամբ: Կարեւոր հանգամանք է սա պարզաբանել, քանի որ տարբեր տեղեկություններ են տարածվել այս հարցի շուրջ հանրապետությունում եւ ԶԼՄ-ներում, որը իրականությանը չի համապատասխանում: Մենք հարգում ենք Գիզիրյանի դիմումը»,- ասաց վարչապետը, հավելելով, որ հաստատում է հրաժարականի դիմումը:
Լուսինե ԲՈՒԴԱՂՅԱՆ
