Երկրորդ միջին քաշային կարգում WBO վարկածով աշխարհի նախկին չեմպիոն Ռոբերտ Շտիգլիցը Արթուր Աբրահամի հետ ռեվանշ մրցամարտից առաջ հայտարարել է, թե այս անգամ մրցակցին ռինգում հանգիստ շունչ առնելու հնարավորություն չի տա: Նրա խոսքերով, առաջին մենամարտում ինքը վնասվածքի պատճառով հարկադրված էր փափուկ ձեռնոց կրել, ինչն Աբրահամին աննշան առավելություն է տվել: «Աբրահամը հայտարարում է, թե կոչնչացնի ինձ: Դրանք օդում հնչեցված խոսքեր են: Ես այս անգամ կրելու եմ չոր ձեռնոցներ եւ նրան ռինգում հանգիստ շունչ առնելու հնարավորություն չեմ տալու», – հայտարարել է Շտիգլիցը: Իսկ նրա մարզիչ Դիրկ Ձեմսկին ավելացրել է. «Մենք նախորդ մարտից դասեր ենք քաղել եւ պատրաստ ենք ռինգում նրան տակտիկական անակնկալներ մատուցել: Առաջին մենամարտում Աբրահամը կարողանում էր իրեն հանգստանալ թույլ տալ, երբ դրա կարիքն ունենում էր: Այս անգամ մենք նրան նման հնարավորություն չենք ընձեռի»:
Աշոտ ՀԱԿՈԲՅԱՆ
