Րաֆֆի Հովհաննիսյանն Աշտարակում դատապարտեց Պռոշյանի գյուղապետի սպանությունը:
Այսօր Աշտարակում Րաֆֆի Հովհաննիսյանն ամփոփեց իր հետընտրական մարզային այցելությունները:
Նա անդրադարձավ Պռոշյանի գյուղապետ Հրաչ Մուրադյանի սպանությանը. «Հրաչ Մուրադյանը՝ ազատամարտիկ, ազգային հերոս, դաշնակցական մեր ընկերը վաղը հայրենի հողին պիտի հանձնվի: Էդ ո՞ր վախկոտը՝ թուրք ենք ասում, ադրբեջանցի, չգիտեմ, մեր մեջ է էդ թուրքը, մեր մեջ է էդ թշնամին, հայտնաբերեք: Որովհետեւ նման մարդիկ, որոնք իրենց կյանքը տվել են հայրենիքի համար, մեր ժողովրդի ողնաշարն են, աղն են, հացը,հույսը եւ լույսն են: Ոնց որ Պռոշյանը՝ Հրաչ Մուրադյանի գյուղը հաղթանակ տվեց, թույլ տվեք վաղը ժամը 12-ին Ազատության հրապարակից գնանք Հրաչի մոտ՝ մեր հարեւան գյուղը՝ հայ մարդու հոգով, մեր ներքին ձայնով ասելու համար, Հրա՛չ, ներողություն, քեզ չպահեցինք, մենք չպաշտպանեցինք քեզ, ներող կլինես: Բայց սրանից հետո ոչ թշնամու գնդակի դեմ հանդիման, ոչ էլ մեր ներսում, թող որեւէ մեկը ձեռք չբարձրացնի հայ մարդու նկատմամբ: Այդ փամփուշտը ինձ էր ուղղված ու ձեզ: Այդքան ռիսկ ունե՞ք, ովքե՞ր եք դուք, տվեք այստեղ»:
Նա Աշտարակում նորից կոչ արեց կուսակցություններին, որ թողնեն աթոռակռիվը:
Կարդացեք նաև
Հանդիպումը հեռարձակվում էր Civilnet.am-ի ուղիղ եթերում:
Հռիփսիմե ՋԵԲԵՋՅԱՆ