ՀՀ քրեական եւ զինվորական գործերով վերաքննիչ դատարանը մերժել էր սպանված զինծառայող Ռոման Եղիազարյանի իրավահաջորդի ներկայացուցիչ Գոհար Մելքոնյանի եւ զինվորական դատախազության վերաքննիչ բողոքը եւ անփոփոխ էր թողել Շիրակի մարզի ընդհանուր իրավասության դատարանի դեկտեմբերի 18-ի արդարացման դատավճիռը, համաձայն որի՝ Ռոման Եղիազարյանի եւ Հովսեփ Մկրտումյանի 2003թ. սպանության մեջ մեղադրվող Ռազմիկ Սարգսյանը, Արայիկ Զալյանը, Մուսա Սերոբյանը արդարացվել էին:
Հիշեցնենք, որ Գոհար Մելքոնյանը վերաքննիչ դատարանից պահանջել էր բեկանել Շիրակի մարզի դատարանի դատավճիռը, նրանց դատապարտել Ռազմիկ Սարգսյանին 7, Արայիկ Զալյանին՝ 8, Մուսա Սերոբյանին՝ 8 տարվա ազատազրկման:
Քիչ առաջ տեղեկացանք, որ զինվորական դատախազությունը վճռաբեկ բողոքով դիմել է ՀՀ վճռաբեկ դատարան:
Նաեւ հավելենք, որ արդարացվածները քաղհայցով դիմել են Արաբկիր եւ Քանաքեռ-Զեյթուն համայնքների ընդհանուր իրավասության դատարան, ընդդեմ նախկին զինդատախազ Գագիկ Ջհանգիրյանի եւ պահանջում են իրենց անմեղության կանխավարկածի խախտման համար բարոյական եւ նյութական վնասի փոխհատուցում:
Կարդացեք նաև
Ռ.ՄԻՆԱՍՅԱՆ
