Aravot.am-ի հետ զրույցում ՀԱԿ համամասնական ցուցակը գլխավորող Վահագն Խաչատրյանը, գնահատելով Երևանի ավագանու ընտրությունները, այսպիսի կարծիք հայտնեց. «Ընտրակեղծիքներ, ընտրակաշառք, բռնություններ, մեկը մյուսի փոխարեն քվեարկություն, ընտրատեղամասերում ուղղորդված քվեարկություն: Սրանք սովորական երևույթներ են մեր կյանքում: Այս ամենի ընդհանուր գնահատականն է. հերթական խայտառակ ընտրությունը: Ուստի կարծում եմ, երբ կամփոփվեն ընտրությունների արդյունքները, մի բազմաբովանդակ բուկլետ կլինի մեր և մյուս ուժերի կողմից ներկայացված խախտումների նյութերով: Ես հիմնականում Մալաթիա-Սեբաստիա վարչական շրջանում եմ կենտրոնացած եղել, և այն, ինչ խոստացել ենք, իրականացրել ենք: Կարող եմ ասել, որ միասնական ընտրատեղամասերում պայքարել ենք ընտրակեղծիքների դեմ, համենայն դեպս մեզ մոտ Մալաթիա-Սեբաստիայում այդ աշխատանքը հաջողվել է»:
Տաթև ՀԱՐՈՒԹՅՈՒՆՅԱՆ
Բարոյական նորմերի դեգրադացիա գործնականում: Կարճ մեկմաբանություններ,՝ կրճատումներով,
բայց ամենայն անկեղծությամբ, տարբեր ընտրողներից՝
-Ես ումից փողը վերցրել եմ,՝ նրան էլ կնտրեմ, ես ազնիվ մարդ եմ և երկար տարիների վստահությունը
չեմ կորցնի հանրապետականների հանդեպ՝ 7000 դրամով:
-Էլ որտեղ է ազնվությունը,՝ երբ խոստացած10000 դրամի փոխարեն կեսն են տվել, ավելի լավ կլիներ բարգավաճի օգտին ընտրեի նրանցը ավելի նաղդ էր:
-Ինձնից դիմում վերցրին ֆինանսական օգնության, բայց փողը ասեցին ընտրություններից հետո, եթե
տեսնենք ճիշտ հանրապետականին ես ընտրել, բայց ինձ պադվադիտ արին, ավելի լավ կլիներ նաղդ
3000-ը վերցնեի:
-Ում էլ ընտրես, մեկա հանրապետականն ա հաղթելու, ինչ էլ տան քյարա, շնից մազ պոկելն էլ քյարա:
Այսպիսի ընտրության հետևանքում,՝ տվյալ երկիրը կամ քաղաքը, միանգամայն օրինաչափ է, նաև՝
ողբերգական: