Այսօր Սպառողների միության նախագահ Արմեն Պողոսյանը, «Ֆորում» ակումբում խոսելով արհմիությունների մասին, ասաց, որ համակարգային խնդիր կա, ու պետք չէ անձերի վրա սեւեռվել. «Մենք արհմիությունները կորցրել ենք դեռեւս քսան տարի առաջ: Ճիշտ է այսօր երիտասարդներն ընդվզեցին, բայց արհմիությունների ձայնը չլսվեց»:
Պողոսյանի խոսքով` պետք չէ շփոթել պետականը, արհմիութենականը եւ սեփականը: Արհմիությունների գույքը կորել է խառնաշփոթների ընթացքում. «Մեզ մոտ մեծ ձեռնարկություններ չկան, իսկ դա քսան տարիների ընթացքում է եղել, իսկ եթե լինեին մեծ ձեռնարկություններ, ապա աշխատողների կարծիքը ոչ մեկը չէր կարող անտեսել: Խնդիրների պատճառը երկրի տնտեսական կուրսն է, անխելք ղեկավարությունը: Բայց, քանի որ երիտասարդների ընդվզում եղավ ինքնաբուխ, պետք չէ հույսը կորցնել, ու եթե մեկն իր լուման ներդնի` կդառնանք առողջ հասարակություն, արհմիություններն էլ կսկսեն գործել»:
Եվա ՀԱԿՈԲՅԱՆ
